اكبر موسوعة للنكت

انا فكرت في الموضوع ده ان اي حد عنده نكتة يقولها ونضحك مع بعض

انا هبتدي بمجموعة نكت ويا ريت اللي يدخل الموضوع يكتب نكتة او اكتر حتي لو كانت قديمة بس ممكن يكون حد ما سمعهاش قبل كده

وانا هبدأ باول مجموعة

مره واحد ماشى وشايل انبوبة بوتجاز قابل واحده كبيره فى السن قالها ادعيلى يا حاجه قالتلو روح يابنى ربنا يفتحها فى وشك

مره واحد حرامي اتجوز واحده حرامية خلفوا ولد فتحوا ايده لقوا ساعة الدكتور

بيقولوا لجحا ... الحق يا جحا تعبان دخل غرفة مراتك ...فقال لهم : سيبوه يستاهل

مره واحد بخيل ابنه بيطلب منه 50 قرش قله ايه 40قرش وهتعمل بيهم ايه ال30قرش معايا ريال تاخد بريزه

مره 2 مساطيل ماشيين في الشارع قابلتهم مذيعة فسالت واحد فيهم تعرف ايه عن مصر قاللها يا ست هانم مصر دي امي وسالت التاني تعرف ايه عن مصر قاللها انا ما اقدرش اتكلم علي ام صاحبي

مره اتنين ماشيين في الصحرا ومعاهم باب طلع عليهم اسد واحد منهم حط الباب في الارض ووقف وراه ام التاني جري بيخبط علي الباب وبيقولةافتح افتح الاسد جاي ورايا

وحدة قالت لجوزها لازم تمشى السواق دة كان هيموتنى مرتين..قالها

طيب نديلة الفرصةالثالثة

مرة واحد بلدياتنا اشترى بطيخة وروح وهوا مروح طالع على السلم لقة واحد نازل
اقرع
قالة: فال الله ولا فالك

بلدياتنا وامريكى ويابانى عرضوهم على جهاز كشف الكدب ......
اليابانى قال : احنابنفكر نعمل انسان اآلى ونستغنى عن البشر .......... ( الجهاز ضربه )
الامريكى قال: احنا بنفكر نطلع المريخ ونعمل مستوطنات عليه...........(الجهاز ضربه)
بلديتنا قال : احنا بنفكر ... لسه مكملِِِِِش ........(الجهاز ضربه )

مره واحد راح يفسح مراتو فى جنينه الحيوان وصورها جنب قفص القرد وعلق الصوره على الحيطه وكاتب هذه صوره مراتى مع القرد علما بان مراتى التالته على اليمين !!!!!!!!!!!!!!!!!!!!!!!!!!

مره واحد كان تعبان قوى وقاعد فى العربيه مرهق فقال انام شويه عشان انا جعان نوم فرجع كرسى العربيه ورا ونام واحد خبط على ازاز العربيه وقالو لو سمحت الساعه كام ؟ قالو الساعه 2
وقفل الازاز ولسه هينام واحد تانى خبط على الازاز قالو لو سمحت الساعه كام قالو اتنين وعشره
.......ولسه هينام واحد تانى ساله هو الساعه كام قال اتنين وربع وقام متعصب وكتب ورقه مكتوب فيها(معيش ساعه ) وعلقها على الازاز ولسه هينام واحد خبط على الازاز وقالو اتنين ونص ؟!؟!؟

مرة الجماعة بلدياتناعملوا اجتماع يناقشوا فيه تأخرهم العلمي.
فقام واحد بيقول : أمريكا طلعت القمر قبلنا واحنا قاعدين
قام رد عليه واحد: خلاص احنا
لازم نطلع الشمس.
فقالوا: احنا كدة هنسيح
رد عليه: يا غبي احنا هانطلعها بالليل.

واحد أشترى عربية بالكمبيوتر فلما عدى التسعين قال الكمبيوتر "بعد التسعين
تعمل حادثة..احذر. "ففرح الراجل وفضل يزود فى السرعة والكمبيوتر يحذره لغايه
ما وصل إلى 180. كيلو فصاح الكمبيوتر"يخرب بيتك نزلني هنا"

واحد بيتهته دخل على صاحب مكتبة على قد حاله وقاله: أأأن ..أنا ع ع عايز اش اش اشتغل عن عن عندك بي بي بياع .الراجل قاله: بس المكتبة مش بتجيب ايراد و دخلها بسيط . قاله : بب بس جرجرجربنى.الراجل قاله ماشى استلم من بكره الصبح,..بعد اسبوعين استدعى الرجل البياع الجديد وقاله:بسم الله ماشاء الله عليك يابنى من يوم ما اشتغلت عندى و الايراد زاد, ممكن اعرف انت عملت كده ازاى؟ رد و قال:أأأبدا ككككل الحككككاية أأأن الزززبووون ال اللى يد يدخل اأأألمحل أأأقوله:تش تش تشترى ال ال الكتاب ده وللا اأأأقراءه ل ل لك,يقوم يشتريه على طول

واحد بلدياتنا دخل الجيش بيسأل زميله إنت من دشنا...فقاله: لأ رد بلدياتنا: يبجى إنت من ديش العدو... و راح طاخه عيارين

مرة واحد ماشي مهموم وحزين ..فقابله رجل فقال له : مالك شايل الهم ليه.فقال له: أصل أنا زعلان مع مراتي وحلفت ما هتدخل البيت لمدة تلاتين يوم قال له الرجل : وأيه المشكلة في كدة قال له الاول: أصل التلاتين يوم هيخلصوا النهاردة

مرة واحد قال لمراتة انا عايز اجى الاقى رومانسية فى البيت راحت مراتة سالت امها يعنى اية رومانسية قالتلها مش عارفة بس انقعى الارز احتياطى